خيوط الفجر
كتبهاماهر الشيخ ، في 13 أغسطس 2007 الساعة: 09:06 ص
خيوط الفجر
ظهرت خيوط الفجر من قلب الظلام*** قالت سلام
قالت سلام… و الخلق في بلادنا نيام
طلع النهار.. فات الضحى… و العصر أذن و العشاء
و الخلق في بلادنا نيام
صرخت خيوط الفجر إصحوا يا بشر
إصحوا حرام… ليه الأمل فينا أنكسر
و إزاى قدرنا من القلوب نصنع حجر
********************
موسى بعصاه فجر الماء من الحجر
نفس الحجر.. اللى الفراعنة زمان بنو بيه الهرم
ليه إحنا دلوقتى بصمت بنتهزم
و بنكتم الصرخة و جوانا الألم
نفس الحجر ..اللى الفلسطينى بيرميه عالغزاه
و معاه بيصرخ آه مالظلم آه
…. نطق الحجر
***********************
نطق الحجر بس البشر صاروا صور
ألوانها باهتة لا ليها معنى ولا أثر
ولا فيها لمحة أمل… ولا فيها شمس ولا قمر
ولا عمرها ممكن تعود تانى بشر
هل يا ترى ممكن تعود تانى بشر
*****************
ممكن وطن يفضل أسير محبوس سنيين
بس الأيمان بالحق لا يمكن يلين
طول ما الشعوب جواها لوطنها حنين
و طول ما صوتنا فى الصلاه بيقول أمين
لا يمكن الأوطان تضيع أو تستكين
************************
و أما خيوط الفجر تظهر من جديد
حا تلاقى نور طالع من الأقصى المجيد
و صوت آذان
و خضار شجر زيتون بيطرح من جديد
صوت خلق بتصلى و تدعى للشهيد
و صوت كأنه صوت وليد
بيقول رجع لينا الوطن و رجعنا ليه
أصل الوطن كان فينا مش احنا اللى فيه
أصل الوطن كان فينا مش احنا اللى فيه
*************************************
ـــــــــــــــــــــــــــــــــــــــــــــــــــــــــ
التصنيفات : غير مصنف | أرسل الإدراج | دوّن الإدراج
أغسطس 14th, 2007 at 14 أغسطس 2007 2:32 م
ان شاء الله يطلع الفجر ويستقبل نور مسجدنا الاقصى
جميلة كلماتك تدل على موهبتك الكبيرة
واختيارك لسطورك تنم عن احساس ورقى عالى
شرفت بدعوتك وبزيارة مدونتك
واتمنى ان نظل دائما على وصال
تقبل تحياتى لك
أغسطس 15th, 2007 at 15 أغسطس 2007 6:57 ص
ماهر اشكرك لاهدائي عنوان مدونتك ودعوتي لها
مدونتك جميلة ومشاعرك رقيقة
اتمني ليك كل التوفيق
أغسطس 15th, 2007 at 15 أغسطس 2007 9:30 ص
الأخت نيفين
شكرا على الزيارة و الكلمات الرقيقة… ارجو التواصل مستقبلا
أغسطس 15th, 2007 at 15 أغسطس 2007 9:32 ص
شكرا يا اخت سالى على الزيارة و التعليق الرقيق … ارجو التواصل الدائم رايكم يثرى المدونة
أغسطس 15th, 2007 at 15 أغسطس 2007 12:39 م
سعدت جدا بزيارة مدونتك
وجدت شاعر موهوب القصيدة دى هزتنى
فعلا الوطن فينا
أغسطس 15th, 2007 at 15 أغسطس 2007 4:19 م
مدزنه جميلة
أغسطس 16th, 2007 at 16 أغسطس 2007 10:21 ص
العزيزة سلوى …
شكرا على مرورك الكربم… ارجو التواصل الدائم
أغسطس 16th, 2007 at 16 أغسطس 2007 10:23 ص
امبدعة/ ايمان…
اشكرك على مرورك الكريم … و كلماتك الحانية المجاملة … ارجوة دوام التواصل
أغسطس 17th, 2007 at 17 أغسطس 2007 2:00 م
العزيز ماهر …
كلماتك تحمل في بداياتها اليأس والتحريض لتنهيها بالامل والوعد الاكيد …
رائع وأنا متأكدة من أن هذا الامل سوف يتحقق …
دمت بخير
أغسطس 21st, 2007 at 21 أغسطس 2007 8:28 ص
الى قيثارة الحب الدافئة/ الينا
مرورك على المدونة اسعدنى …. طيفك احاط بكل اشعارى… كلماتك حانية و مجاملة… و دمت و دام نهر المشاعر المتدفق من قلبك و روحك
أغسطس 23rd, 2007 at 23 أغسطس 2007 1:57 م
ما الذي سأقوله لك،أخي ماهر،لقد عجز كلامي عن التعبير،ما كلّ هذا الابداع؟ أذهلتني قصيدتك،بلهجتك المصرية،وروحك الوطنية،قصيدة ،تحمل كلّ موسيقى الغناء،كدت أغنيها لا أقرؤها،أعجبتني بكل شيء،بمعانيها الجميلة وموسيقاها العذبة المتناغمة،حقيقة أعجبني كلّ ما فيها،تحياتي.
سبتمبر 15th, 2007 at 15 سبتمبر 2007 11:13 ص
gamila 2wy