لحظة أمل
لحظات كتير بتمر ما بتترك أثر...و لحظات تساوى عمر من عمر البشر
و ساعات نحس إن إحنا طايرين فى السما... و ساعات نحس إن الأمل فينا انكسر
أوقات نحس إن الحياة مش ملكنا... و ساعات نحس إن الحياة إنتي و أنا
لازم نعيش حلو الحياة مع مرها.... و نصادق الأيام بخيرها و شرها
و إن كنتى خايفة من الحياة حبى الحياة... دا الحب يشعل فى القلوب شمعة أمل
و أما الظروف تأسى و تكسر حلمنا... عمر القلوب ما حتنكسر مهما حصل
و الحب لو عشناه ينور دربنا... و لو نسينا الحب نبقي مش بشر
نزرع زهور الحب فى وسط الصحر... نسهر ليالي الحب حاضنين القمر
نتمنى نهر الحب يروى زهرنا ... أشجارنا تصبر لما يرويها المطر
فيه ناس كتير نبض المشاعر نبضها... و ناس بسيطة و عايشة راضية بالقدر
ممكن نعيش حابسين مشاعرنا...بس الجميل لو المشاعر تنتصر
خلينا نحلم حلمنا من غير حدود... نحلم بلحظة يبتسم فيها الوجود
لحظة تمر علينا و بتترك أثر...لحظة تساوى كل أعمار البشر
كتبها ماهر الشيخ في 09:07 صباحاً ::
فيه ناس كتير نبض المشاعر نبضها ..... وناس بسيطة وعايشة راضية بالقدر
واوووو.... دائما ما تمس كلماتك وتر
راااائعة...
نتمنى المزيد لتعبر عن لسان حالنا
اعجبتني كلماتك و سررت جدا بزيارة مدونتك
لي عودة ان شاء الله تحياتي و مزيدا من العطاء اتمناه لك
العزيزة حبيبة
زيارتك اسعدتنى... كلماتك مشجعة و مجاملة
شكرا على الأهتمام... و دمتى بخير وود و سعادة.
الأخت حنان
شكرا على مرورك الكريم... و كلماتك المشجعة...
الى مزيد من التواصل و دمتى بكل خير
كلمات رائعة
دوام العافية والتوفيق يارب
موضوع جميل وهاذف.. فقط تمنيت لو كتب بالفصحى حتى لانترك لغتنا الجميلة تغور.. مع وافر المودة.. أدعوك لزيارة موضوعي الهاربة. مودتي
الأخ احمد عسل
شكرا على مرورك لكريم... دمت بخير و الى مزيد من التواصل
العزيز ضفاف
شكرا على مرورك و تعليقك الجميل
و بالنسبة للقصحى فكا ترى غالبية القصائد على المدونة هى بالفصحى
و لكن لغة بلدى العامية و جمهور بلدى الجميل لهما على كل الحق ان اكتب له بعض الأشعار بالعامية.
الا توافقنى على ذلك.
فلا يمكن ابدا اهمال شريحة كبرى من محبى الشعر ممن يتذوقون العامية و لا يقدرون على فهم اللغة العربية بسهولة.
دمت بخير و الى مزيد من التواصل.