لحظة أمل
كتبهاماهر الشيخ ، في 22 نوفمبر 2007 الساعة: 09:07 ص
لحظة أمل
لحظات كتير بتمر ما بتترك أثر…و لحظات تساوى عمر من عمر البشر
و ساعات نحس إن إحنا طايرين فى السما… و ساعات نحس إن الأمل فينا انكسر
أوقات نحس إن الحياة مش ملكنا… و ساعات نحس إن الحياة إنتي و أنا
لازم نعيش حلو الحياة مع مرها…. و نصادق الأيام بخيرها و شرها
و إن كنتى خايفة من الحياة حبى الحياة… دا الحب يشعل فى القلوب شمعة أمل
و أما الظروف تأسى و تكسر حلمنا… عمر القلوب ما حتنكسر مهما حصل
و الحب لو عشناه ينور دربنا… و لو نسينا الحب نبقي مش بشر
نزرع زهور الحب فى وسط الصحر… نسهر ليالي الحب حاضنين القمر
نتمنى نهر الحب يروى زهرنا … أشجارنا تصبر لما يرويها المطر
فيه ناس كتير نبض المشاعر نبضها… و ناس بسيطة و عايشة راضية بالقدر
ممكن نعيش حابسين مشاعرنا…بس الجميل لو المشاعر تنتصر
خلينا نحلم حلمنا من غير حدود… نحلم بلحظة يبتسم فيها الوجود
لحظة تمر علينا و بتترك أثر…لحظة تساوى كل أعمار البشر
ـــــــــــــــــــــــــــــــــــــــــــــــــــــــــ
التصنيفات : غير مصنف | أرسل الإدراج | دوّن الإدراج
نوفمبر 22nd, 2007 at 22 نوفمبر 2007 4:22 م
فيه ناس كتير نبض المشاعر نبضها ….. وناس بسيطة وعايشة راضية بالقدر
واوووو…. دائما ما تمس كلماتك وتر
راااائعة…
نتمنى المزيد لتعبر عن لسان حالنا
نوفمبر 23rd, 2007 at 23 نوفمبر 2007 4:48 م
اعجبتني كلماتك و سررت جدا بزيارة مدونتك
لي عودة ان شاء الله تحياتي و مزيدا من العطاء اتمناه لك
نوفمبر 24th, 2007 at 24 نوفمبر 2007 9:57 ص
العزيزة حبيبة
زيارتك اسعدتنى… كلماتك مشجعة و مجاملة
شكرا على الأهتمام… و دمتى بخير وود و سعادة.
نوفمبر 24th, 2007 at 24 نوفمبر 2007 9:59 ص
الأخت حنان
شكرا على مرورك الكريم… و كلماتك المشجعة…
الى مزيد من التواصل و دمتى بكل خير
نوفمبر 27th, 2007 at 27 نوفمبر 2007 10:15 ص
كلمات رائعة
دوام العافية والتوفيق يارب
ديسمبر 2nd, 2007 at 2 ديسمبر 2007 12:55 م
موضوع جميل وهاذف.. فقط تمنيت لو كتب بالفصحى حتى لانترك لغتنا الجميلة تغور.. مع وافر المودة.. أدعوك لزيارة موضوعي الهاربة. مودتي
ديسمبر 4th, 2007 at 4 ديسمبر 2007 9:07 ص
الأخ احمد عسل
شكرا على مرورك لكريم… دمت بخير و الى مزيد من التواصل
ديسمبر 4th, 2007 at 4 ديسمبر 2007 9:14 ص
العزيز ضفاف
شكرا على مرورك و تعليقك الجميل
و بالنسبة للقصحى فكا ترى غالبية القصائد على المدونة هى بالفصحى
و لكن لغة بلدى العامية و جمهور بلدى الجميل لهما على كل الحق ان اكتب له بعض الأشعار بالعامية.
الا توافقنى على ذلك.
فلا يمكن ابدا اهمال شريحة كبرى من محبى الشعر ممن يتذوقون العامية و لا يقدرون على فهم اللغة العربية بسهولة.
دمت بخير و الى مزيد من التواصل.