| ► | أكتوبر 2009 | ◄ | ||||
| سبت | أحد | إثنين | ثلاثاء | أربعاء | خميس | جمعة |
| 1 | 2 | |||||
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
| 31 | ||||||
أبريل 4th, 2009 كتبها ماهر الشيخ نشر في , غير مصنف,
أغسطس 9th, 2008 كتبها ماهر الشيخ نشر في , غير مصنف,
مايو 24th, 2008 كتبها ماهر الشيخ نشر في , غير مصنف,
حلم القلوب
دبلت قلوبنا زى أوراق الخريف
أشواقنا غرقت تحت امطار الشتا
و لقينا روحنا لوحدنا وسط الطريق
تايهين و مش عارفين نوصل لفين ولا متى
و فى الطريق نامت قناديل المسا و سط الضباب
دقت قلوبنا على أبواب ورا أبواب
دقات قلوبنا على البيبان إتكسرت
أحلامنا تعبت مننا و صبحت سراب
كان نفسها تلقى الدفا فى حضن الهوى
كان نفسها تسال سؤال تلقى الجواب
صوتها إتخنق تحت المطر من غير صدى
فى زمان لا فيه أصحاب ولا أحباب
مايو 7th, 2008 كتبها ماهر الشيخ نشر في , غير مصنف,
اللقاء الثانى
باعد الزمان بينا غير ملامحنا
غرب خطانا عن الطريق نسانا أفراحنا
طبطب علينا حلمنا و دوى لنا جراحنا
و قال لنا بكره تتلاقى أرواحنا
بس المهم مع اللقى نبقى إحنا هو إحنا
*****
وأما أتقابلنا مره صدفة *** مكانش فيكى كثير ملامح من زمان
شفت فى عنيكى ألف معنى لبسمتك *** كان فيكى نفس الروح و فيكى حنان
و أما عنينا من بعيد جت سلمت *** أرواحنا حنت للهوى وإستسلمت
ظنينا إن العمر كان واقف بنا *** و قلوبنا كسرت صمتها و أتكلمت
بس الكلام مكنش له نفس الصدى *** مبقاش يزلزل فى القلوب و يهزها
فبراير 28th, 2008 كتبها ماهر الشيخ نشر في , غير مصنف,
سحر الخيال
سألت عنيا عن الجمال فين الجمال *** قلت الجمال إنك تحلق فى الخيال
من غير خيال تبقى لحياة مش ممكنة *** و بالخيال نعبر بحور نهدم جبال
ممكن نعيش واقع أليم من غير أمل *** و في الخيال بدل الأمل بنعيش آمال
بنت الجيران أملى و لكن شيئ بعيد *** بس في خيالي حبها شئ مش محال
أمرض وأعانى و قلبى يصرخ من الألم *** بس الألم فى خيالى ممكن الأحتمال
************
أصل الخيال مخلوق جميل له ألف روح *** لولا الخيال مفيش أمل و مفيش طموح
فبراير 19th, 2008 كتبها ماهر الشيخ نشر في , غير مصنف,
قناديل المساء
جلست حسان الحي تنشدن الغناء *** في وصفهن حكت قناديل المساء
قالت شممت من الجنان زهورها *** و رأيت نهر الحب عذب الماء
نهر تدفق من ثغور قد حوت *** شذى الجنان و لؤلؤ فتان
و فراشات رقتها كضوء للقمر *** تتراقص فوق زهور البستان
و رأيت أقمارا تضيء سماءها *** و عروس بحر جابت الشطان
يناير 10th, 2008 كتبها ماهر الشيخ نشر في , غير مصنف,
أنا الإنسان
ما بقاش مهم الإسم و العنوان*** أصل المهم إنى أنا الإنسان
شايل على كتافى هموم ليها العجب *** زارع في قلبى نبض كله حنان
تلاقينى فى الشارع أنا البياع *** تلا قينى في المرسم أنا الفنان
و أنا الفلاح ساعات الخير مغرقنى *** و كتير فقير عايش على الحرمان
ما أملكش في حياتى غير قيراطين و غير نفسى *** و أقول لنفسى قيراطى يسوى كام فدان
أضحك علي نفسى و أصبرها تصبرنى *** الصبر زادى و آية فى القرآن
******
تلاقينى في الأنواء أنا الملاح *** و شبر ميه يغطينى أموت غرقان
تلاقينى أقتل ناس و أعذب ناس *** تلاقينى في المسجد طالب رضا الرحمن
و ساعات بكون مسجون فى إيد جلاد *** و ساعات أنا الجلاد وأنا السجان
مشلولة رجلى و متكتف أسير بردان *** لكن خيالى حر طير دفيان
ديسمبر 3rd, 2007 كتبها ماهر الشيخ نشر في , غير مصنف,
شتاء و ذكريات
نطق الشتا بعد السكات *** حرك فى قلبى الذكريات
فكرنى باللمة و بضحكتك يا اما *** مع موقد الفحم القديم نحكى حكايات
و بالغيوم بتلف احلامنا البريئة *** و بأم طول الليل تفرد غطاها على البنات
و تصحى فى الفجر و تصحى الولاد بدرى *** و عم خليل و فى قلبه من جرس المدرسة دقات
غسل المطر ورق الشجر *** غسل الشوارع و الحارات
رجع لي أيام الصبا *** فكرني بالعمر اللي فات
واقف ورا الشباك أبص عالمطرة *** شايف الطيور فرحانة بترفرف
ماسك فى إيدى الناى *** و حنبى الشاى يدفينى و أنا بعزف
و عم عبده بكوفية و بالطوا قديم *** ساعى لرزقه مدفى و متلفلف
و بنت ماشية عالرصيف تحت المطر *** و شعرها على كتفها سايب و بيهفهف
نوفمبر 22nd, 2007 كتبها ماهر الشيخ نشر في , غير مصنف,
لحظة أمل
لحظات كتير بتمر ما بتترك أثر…و لحظات تساوى عمر من عمر البشر
و ساعات نحس إن إحنا طايرين فى السما… و ساعات نحس إن الأمل فينا انكسر
أوقات نحس إن الحياة مش ملكنا… و ساعات نحس إن الحياة إنتي و أنا
لازم نعيش حلو الحياة مع مرها…. و نصادق الأيام بخيرها و شرها
و إن كنتى خايفة من الحياة حبى الحياة… دا الحب يشعل فى القلوب شمعة أمل
و أما الظروف تأسى و تكسر حلمنا… عمر القلوب ما حتنكسر مهما حصل
و الحب لو عشناه ينور دربنا… و لو نسينا الحب نبقي مش بشر
أكتوبر 25th, 2007 كتبها ماهر الشيخ نشر في , غير مصنف,
سألتنى
سألتنى … سالتنى من أنت … و من أين تنادي
من قاع البحر … من القمر
من المجهول… يأتيكي ترنيم فؤادي
من أين أنا لا تهتمي… فسواء قربى و بعادي
فالقرب أو البعد سواء… ما دمت أسير الأصفاد
في البعد أسير للشوق…في القرب سجين لودادي
أنا أحيا فى ظل هواكى
